(مستوحاة من قصة حقيقية)
أسعد وهيثم صديقان منذ خمس سنوات..يدرسان في نفس الجامعة ونفس الكلية..بل هما في نفس السنة الدراسية ايضاً..
أسعد..خبيث وبه بعض الحقد والشر..يشرب المخدرات باستمرار..ولا يشتري سجائر ليدخر المال اللازم لشراء كيفه..فيقوم بأخذ السجائر من هذا وذاك..
هيثم..على العكس تماما..طيب إلى أقصى حد..إلى درجة السذاجة والهبل..نادراً ما يشرب المخدرات..مرة او مرتين في العام بأكمله..و لا يبخل بشراء السجائر..
أسعد لديه تلفاز قديم..لن يجلب له الكثير من المال اذا قام ببيعه..
وهيثم لديه تلفاز حديث الى حد ما..
أسعد أُغلقت ابواب الرزق في وجه..لم يعد معه المال اللازم لشراء الكيف ولا حتى السجائر ولا أي شيء..
"هيثم معلش هطلب منك طلب"
"اطلب يا عم عينيا ليك دحنا اخوات"
"عايز آخد التليفزيون بتاعك عشان في ضيوف مهمين وأول مرة يجولي والتليفزيون بتاعي بايظ خالص وياريته الوان دا ابيض واسود فمعلش هاخده يومين كدة بالكتير اوي وارجعهولك تاني"
"خلاص يا عم بيس عدي عليا في اي وقت النهاردة خده"
وأعطى هيثم التلفاز لأسعد..
وبعد مرور ثلاثة أيام،تقابلا في الكلية ولاحظ هيثم وجود علبة سجائر مع أسعد على غير العادة،وموبايل جديد أيضاً..
"قشطة يا عم ولعت معانا..موبايل جديد وعلبة سجاير كمان ومتكيف واخر ألسطة"
أسعد يبتسم ابتسامة ممزوجة بتوتر
"ايه اخبار الضيوف مشيوا ولا لسة؟..اصلي محتاج التليفزيون لان اهلي راجعين من السفر النهاردة"
"اه مشيوا"
"طب هتجيب التليفزيون امتى"
"اصل(ايييييه)"
"اصل ايه..مالك في ايه"
"اصل التليفزيون مش هعرف اجيبو"
"ليه يابني انت مش بتقول ان الضيوف مشيو؟"
"مهو اصل"
"اصل ايه ماتتكلم..في ايه؟"
"اصل انا بعته"
"بعت ايه؟؟!!"
"التليفزيون"
"نعم؟؟"
أسعد يضع عينيه في الأرض..
"طب والفلوس؟؟"
"ماهو انا جبت المصلحة واشتريت الموبايل دا يعني وكدة"
هيثم لأنه طيب جداً لم يصدر منه أي رد فعل..وقد لعب أسعد منذ البداية على هذا الوتر عندما فكر في تلك الفعلة ظناً منه أن الموضوع سيمر بسلام..
وفي اليوم التالي هيثم يقابل أسعد ويتحدث معه كأن شيئا من هذا لم يحدث..وهذا هو المتوقع من هيثم..
فوزي علم بهذا الأمر..فوزي هو الأخ الأكبر لهيثم..
فوزي مع أصدقاء هيثم:
"انا اعرف معظم الجامعة..وكل الاشكال والاصناف..اعرف الصيع والبلطجية اللي بيشيلو مطاوي والديلرات وناس كتير فشخ ومنهم الوسخين فشخ..وممكن اخلي كام واحد يزنقوه ويملو وشه اكسات ويبهدلوه ويطلعو******واصيحله عند الناس كلها واقولهم انه حرامي..بس لأ انا مش هعمل كدة وهبقى كويس ومش هلجأ للاسلوب القذر دا وهصبر عليه شوية..بس حق اخويا هيرجع وانا هعرف ارجعه ازاي"
فوزي يتحدث إلى أسعد ،وأسعد لا يستطيع النظر في عينيّ فوزي..
"أدامك حاجةمن الاتنين..ياتجيب التليفزيون من الراجل اللي انت بعتهوله دا وبنفس حالته..يا اما تجيب فلوس التليفزيون..ادامك اسبوع"
"حاضر"
يمضي الأسبوع والحال كما هو عليه..
"جبت الفلوس؟"
"لأ أصل العملية مزنقة خالص اليومين دول"
"طب انت كنت مزنوق في فلوس..مقلتش ليه..هو هيثم كان هيبخل عليك بحاجة..ليه تضحك على صاحبك وتسرقه..ازاي فكرت تعمل كدة اصلا..وياريتك جبت كيفك واديته باقي الفلوس..لأ..دا انت بكل بجاحة اشتريت موبايل جديد وصرفت الفلوس كلها..يعني بدل ماكان هيبقى عليك تمن الكيف بس..بقى عليك الفلوس كلها..بص بقا..انت هتكتبلي وصل امانة بالفلوس..تمام..وهنسيب الوصل مع حد ثقة..وادامك اسبوعين..يا تجيب التليفزيون هو هواه..يا اما تجيب الفلوس..وكدة انا عداني العيب..ولو مفيش حاجة بعد الاسبوعين..هيبقى في كلام تاني.."
أسعد خسر احترام أصحابه له وثقتهم فيه..لقد سقط من نظرهم،وأصبح في نظرهم لصاً ونصاباً ولا يؤتمن على شيء..لو كان هناك كلباً يربيه هيثم لما فعل مثلما فعل الإنسان أسعد..
لقد أثبت الكلب-الحيوان-أنه أوفى من البشر..(كلب صديق خير من صديق كلب)..ولقد أُثبت أن هناك كثير من القردة قد تطورت عن طريق الخطأ-أثناء عملية التطور-إلى ذلك الكائن المُسمى بالإنسان،وكان من المفترض أن يظلوا قردةً تقفز من شجرة إلى شجرة..
